Арыстанға алдырмады 

Шындығында бұл айта жүретін айқас болды. Отандық клуб «Астана Арланс»   Бүкіләлемдік бокс сериясының бірінші жартылай финалдық матчында  британиялық «Бритиш Лайнхартс» клубын қапы қалдырды. Шеффилдтегі матчтық кездесу 3:2 есебімен қазақ боксшыларының жеңісімен аяқталды, деп хабарлайды  SportX.kz.

«Астана Арланс» сапында Ілияс Сүлейменов, Ділмұрат Мәжітов және Әбілхан Аманқұл өз жекпе-жектерін жеңіспен аяқтаса, Арбек Әбдуғаниев пен Теміртас Жүсіпов қарсыластарына  жол беріп алды. Екі клуб арасындағы жартылай финалдық қарымта матч, 26 мамыр күні Атырау қаласында өтеді.