«Арман Оспановпен кездесуге сақадай саймын» — Акоп Степанян

Ресейлік ММА өнерінің шебері Акоп Степанян АСВ 86 турнирі аясындағы Арман Оспановпен өтетін жекпе-жекте өзін ерекше қырынан көрсетемін дейді. Бұл жөнінде SportX.kz хабарлайды.

«Мен нағыз спорттық бабымдамын. Күнделікті жаттығуларда төккен терім босқа кетпегенін алдағы бәсекде дәлелдеуге тырысамын. Мен үшін бұл кездесу өте маңызды. Алдағы кездесуде көрермен қауым менің бойымдағы өзгерістерді яғни шеберлік деңгеймнің өскенін куә болады деп сенемін. Мұны сөзбен емес ісіммен дәлелдеймін».

ММА көгінде құйрықты жұлдыздай жарқ еткен жерлестеріміздің бірегейі — Арман Оспанов. Арман бауырымыз қалың жұртты өзінің ерекше өнерімен тәнті етіп жүрген азамат. АСВ 86 аясындағы кезекті жекпе-жегін Арман ресейлік сарбаз Акоп Степанянға қарсы өткізеді.

АСВ 86 турнирі 5-күні Мәскеуде өтеді. Арман Оспанов пен Акол Степанян жартылай жеңіл салмақ дәрежесінде күш сынасады. Осы күні октагон төрінде тағы бір жерлесіміз өнер көрсетеді. Алматылық Асылжан Бақытжанұлы ресейлік Мүсілім Магомедовпен кездеседі.