Андрес Иньеста Жапонияға жол тартты

Испания футболының жұлдызы талай жылдар»Барселона» сапында жарқыраған Иньеста, ендігі жерде өз өнерімен  жапониялық футбол жанкүйерлерін қуантатын болады. 34 жасар футболшы спорттық карьерасын » Виссел Кобе»клубы сапында жалғастырады, деп хабарлайды SportX.kz.

Испания құрамасы сапында Әлем және Еуропа чемпионы атағын жеңіп алған Андрес Иньеста, тапжылмастан 16 жыл бойы «Барселона» сапында өнер көрсетіпті. Әйгілі футбол баһадүрінің осы он алты жыл ішінде өзінің сүйікті клубымен бірге жеңіп алған  атақ-даңқы да жетіп артылады. Атап айтсақ, тоғыз мәрте Испания чемпионы атанып , алты рет ел кубогының, төрт дүркін  чемпиондар лигасының және  төрт рет клубаралық чемпионаттың бас бәйгелерін қанжығасына байлапты.