Алтыннан алқа таққан Мөлдір

Қазақстандық джиу-джитсу өнерінің шебері Мөлдір Мекенбаева халықаралық  Los Angeles Open турнирінде қос алтын олжалады, деп хабарлайды SportX.kz.

Алдымен өзі өнер көрсететін жеңіл салмақта топ жарған Мөлдір, абсолюттік категорияда да алдына жан салмады. Барлық жекпе-жектерін айқын жеңіспен аяқтаған қазақтың бұрымды қызы, татамидегі өнерімен көрген жұртты таң қалдырып, Лос-Анжелестен қос алтын олжалап қайтты.

Қазақстандық спортшылардың дәстүрлі турнир алдындағы оқу-жаттығу жиынын осы өңірде өткізгені де жарыс нәтижесіне өз септігін тигізгені анық. Жалпы Мөлдір Мекенбаева шығыстың осы жекпе-жегінен әлем чемпионы және  түрлі деңгейдегі халықаралық жарыстардың жеңімпазы.