Али Ахмедов тамызда жұдырықтасады 

Кәсіпқой бокстан жеңілістің ащы дәмін татпаған жерлестеріміздің бірі-Али Ахмедов (11-0, 8 КО) . Жартылай ауыр салмақта өнер көрсететін талантты былғары қолғап шебері келесі жекпе-жегін 8- тамыз күні  Голливудта (Калифорния штаты) америкалық Хорхе Эскалантемен өткізеді.

Али Ахмедов пен Хорхе Эскаланте арасындағы алты раундтық кездесу «Hollywood Fight Nights 2» бокс кешінің орталық матчы болмақ. Еш бір версияның айналасынан көрмеген боксшыны мықты деп айтуға ауыз бармайды. Бұл жерде біз Хорхені меңзеп отырмыз. Бірақ кәсіпқой бокста 10 кездесу өткізіп, оның тоғызын өз пайдасына шешсе,тек бір мәрте ұтылған екен. Мұхиттың арғы бетінде Хорхе сияқты боксшылар ондап саналатынын естен шығармайық. Ал, өзінің соңғы жекпе-жегін 2017-жылдың желтоқсан айында Алматыда өткізген Ахмедов, сол кеште азербайжандық Исмат Эинуллаевтан алда болғаны есімізде.