Алекскандр Усик-«суперчемпион»

Бүкіләлемдік бокс ұйымының (WBO) чемпиондық комитеті украйналық боксшы Александр Усикке (15-0, 11 КО) аталмыш тұжырымның «суперчемпионы» атағын беру жөнінде шешім қабылдады, деп хабарлайды SportX.kz.

Мынадай атаққа ие болған Усик аса ауыр салмақ дәрежесіне ауысатын болса, чемпиондық белбеудің иегері британиялық Энтони Джошуамен (21-0, 20 КО) кездесуге бір табан жақындай түседі. Жақындағаны былай тұрсын ресми түрде титулдық жекпе-жектен бірден-бір үміткер болып шыға келеді.

.Естеріңізге сала кетсек, жақында ғана ресейлік Мурат Гассиевті ұтқан Александр Усик, бірінші ауыр салмақ категориясы бойынша ( WBO, WBC, WBA және IBF) әлемнің абсолютті чемпионы атағын жеңіп алған еді.

Усик бірінші ауыр салмақтағы кезекті жекпе-жегін британиялық Тони Белльюге қарсы өткізеді. Ал одан әрі әлемнің абсолютті чемпионы аса ауыр салмақ дәрежесіне көтерілуі мүмкін.