Айдар Махметов- әлем чемпионы  

Жерлесіміз Айдар Махметов АСВ тұжырымы бойынша джиу-джитсу жекпе-жегінен әлем чемпионы атағын жеңіп алды, деп хабарлайды  SportX.kz.

Күлгін белбеу иелері бас қосқан  шеберлер дивизионында (36-40 жас аралығы) бақ сынаған Айдар Махметов, 75 келіге дейінгі салмақ дәрежесінде топ жарды. Алғашқы кездесуде ресейлік спортшыны жер қаратып ұтқан қазақ батыры, келесі бәсекесінде армениялық қарсыласын тізе бүктірді. Ал ақтық сында ирандық пехлеванды қапы қалдырып әлем чемпионы деген құрметке ие болды. Осы салмақта өнер көрсеткен Мұрат Бермұхамбетов те олжасыз қалған жоқ. Мұрат әлемдік доданың қола жүлдесін иеленді.