Айда Сатыбалдинова мексикалық Селина Барриоспен жұдырықтасады

Қазақстандық кәсіпқой боксшы Айда Сатыбалдинова кезекті жекпе-жегін «Ацтектердің чемпионы» деген лақап атымен танылған Селина Барриоспен кездеседі, деп хабарлайды, SportX.kz.

7-шілдеге жоспарланған алдағы бәсеке Техас (АҚШ) штатында өтеді. Екі боксшы арасындағы кездесу маусым айында өтетін болған, бірақ Айданың жарақатына байланысты кейінге шегерілді. Жерлесіміздің қарсыласы Селина Барриос, NABF. нұсқасы бойынша әлем чемпионы. Шаршы алаңда үш кездесу өткізген Селина, оның бәрінде жеңіске жеткен. Америкалық Лиза Портермен өткен матчта бағы жанған ацтектердің ұрпағы, сол жолы NABF. чемпиондық белбеуін иеленді. Өз кезегінде біздің Айда кәсіпқой бокстағы алғашқы бәсекесін дәл осы Портерге қарсы өткізіп, бұл кездесу тең нәтижемен аяқталғаны есімізде.