17- турдың ең әдемі голы

Қазақстан кәсіпқой футбол лигасы 17- турдың үздік голын атады. Жанкүйерлер арасында жүргізілген сауалнама нәтижесі бойынша «Қайраттың» жартылай қорғаушысы Исаэльдің «Ертіске» соққаны голы көп дауыс жинапты, деп хабарлайды SportX.kz  

Жалпы өткен турда қақпаға түскен голдар легі аз болған жоқ. Тор ішінде тулаған он жеті голдың жетеуі  пенальтиден соғылыпты. Үздік  гол авторы атанған Исаэльдің «Ертіске» соққан екінші добы, орындалуы жағынан осы турдағы нәтижелі соққылдардың алдында тұр. Бразилиялық легионердің голына дауыс бергендер саны- 534. Шымкенттік «Ордабасы» клубының футболшысы Асхат Тағыбергеннің «Қайсарға»  салған голына 334 көрермен дауыс берсе, тағы да сол Исаэльдің «Ертіске» соққан бірінші голын жақтағандар саны екі жүзге жетіп жығылған.